എലിശല്യം: എയര്‍ ഇന്ത്യ വിമാനം വൈകി
അമൃത്സര്‍: എലി കയറിയതിനെ തുടര്‍ന്ന് അമൃത്സര്‍-ലണ്ടന്‍ വിമാനം മണിക്കൂറുകള്‍ വൈകി. രാവിലെ 6.30 ന് പുറപ്പെടേണ്ട എയര്‍ ഇന്ത്യ വിമാനമാണ് എലിശല്യം കാരണം വൈകിയത്. യാത്രക്കാരാണ് വിമാനത്തിനുള്ളില്‍ എലിയെ കണ്ടത്. തുടര്‍ന്ന് എലിയെ കണ്ടെത്താനായി ജോലിക്കാരും തിരച്ചില്‍ തുടങ്ങി. വിമാനത്തിലുണ്ടായിരുന്ന 238 യാത്രക്കാരെയും പുറത്തിറക്കിയായിരുന്നു തിരച്ചില്‍. മൂന്നു മണിക്കൂര്‍ നീണ്ട തിരച്ചിലിനൊടുവില്‍ മറ്റൊരു വിമാനം വരുത്തിയാണ് യാത്രക്കാരെ അയച്ചത്. എലിയെ കണ്ടെത്തിയ എ.ഐ 187 വിമാനം സിവില്‍ വ്യോമയാന ഡയറക്‌ട്രേറ്റ് ജനറലിന്റെ മാനദണ്ഡങ്ങള്‍ പ്രകാരമുള്ള സുരക്ഷാ പരിശോധനയ്ക്ക് ശേഷം മാത്രമേ ഇനി യാത്രയ്ക്കായി ഉപയോഗിക്കാവൂവെന്ന് നിര്‍ദേശം നല്‍കിയതായി എയര്‍ ഇന്ത്യ മാനേജര്‍ അശ്വിനി കുമാര്‍ അറിയിച്ചു.
0 comments:
Post a Comment